اترموا - بهاء سلطان
فاكرينا هنمسك فيهم
وإن راحوا هنجري عليهم
من الوهم الله يشفيهم ويقويهم ع النسيان
إحنا عملنا اللي علينا
ياما شيلناهم في عينينا
اختاروا يسيبوا إيدينا فاحنا نسينا وكان يا ما كان
اترموا، اترموا ويومين كده وهيندموا
اترموا، اترموا ويا ريتهم بيحرموا
كنا الغاليين في حياتهم بس الظاهر يعني اتعموا
اترموا، اترموا ويومين كده وهيندموا
اترموا، اترموا ويا ريتهم بيحرموا
وأهو بكره يقولوا الحب نرد نقول الله يرحمه
مش فارقة معانا غيابكم
كسبان قلبي عشان سابكم
مش عاملين حتى حسابكم إحنا اللي نسيبه بننساه
طب والله بقى ريحتوا
واللي اختار حاجة براحته
قابلونا لو مرة فلحتوا ده اللي بيأذي يلاقي أذاه
اترموا، اترموا ويومين كده وهيندموا
اترموا، اترموا ويا ريتهم بيحرموا
كنا الغاليين في حياتهم بس الظاهر يعني اتعموا
اترموا، اترموا ويومين كده وهيندموا
اترموا، اترموا ويا ريتهم بيحرموا
وأهو بكره يقولوا الحب نرد نقول الله يرحمه
