فاضي شوية
آه يا سلام
سيبنا الوقت يعدي أوام
ما حسبناش اللحظة الجاية
دا اسمه كلام
عيشنا العمر نربي حمام
بس نسينا نقوم غية
ومايهمكش عادي
اسمع مني الساعة دي
مش وقت عتاب أو لوم
فيها ايه لو نرجع تاني
وبدل ما تكون وحداني
تسندني معاك ونقوم
فاضي شوية
نشرب قهوة فى حتة بعيدة
إعزمني على نكتة جديدة
وخلي حساب الضحك عليا
فاضي شوية
نشرب قهوة فى حتة بعيدة
إعزمني على نكتة جديدة
وخلي حساب الضحك عليا
دا احنا يا دوب
مالحقناش نقرا المكتوب
علشان نلقى هموم وقسية
دا اسمه كلام
عيشنا العمر نربي حمام
بس نسينا نقوم غية
عارفك مشغول الايام دي
ما انا زيك بس عندي
حكايات صعب أخبيها
واكمنك داري بحالي
مذاكرني وعارف مالي
مستني عشان أحكيها
فاضي شوية
نشرب قهوة فى حتة بعيدة
إعزمني على نكتة جديدة
وخلي حساب الضحك عليا
فاضي شوية
نشرب قهوة فى حتة بعيدة
إعزمني على نكتة جديدة
وخلي حساب الضحك عليا
موج الدنيا أناني وعالي
وانت لوحدك وانا لسه لي
عمر هعيشه معاك لو يوم
ماشي براحتك بس راهني
على يوم منك وسنين مني
إنك مابتعرفش تعوم
ومايهمكش عادي
اسمع مني الساعة دي مش وقت عتاب أو لوم
فيها ايه لو نرجع تاني
وبدل ما تكون وحداني
تسندني معاك ونقوم
فاضي شوية
نشرب قهوة فى حتة بعيدة
إعزمني على نكتة جديدة
وخلي حساب الضحك عليا
فاضي شوية
دا انا واحشاني القعدة معاك
وان ماقدرتش تيجي هناك
هستناك المرة الجاية
فاضي شوية
نشرب قهوة فى حتة بعيدة
إعزمني على نكتة جديدة
وخلّي حساب الضحك عليا
فاضي شوية
دا انا واحشاني القعدة معاك
وان ماقدرتش تيجي هناك
هستناك المرة الجاية
