حروف الغلا - ثامر التركي
رغم الظروف ورغم قسوات الأيام
ورغم الرجا واليأس وحظي ونصيبي
ورغم الوجع والحزن وتحطيم الأحلام
تبقى حبيبي يا حبيبي، حبيبي
وقفت ضد الكون وفي صدري اسهام
كله لعيونك عني لا ما تغيبي
لو كنت أنا مُتعب وكل روحي ألام
قلبي ترى المُنهك بشوفك يطيبي
ورغم الظروف ورغم قسوات الأيام
تبقى حبيبي يا حبيبي، حبيبي
يا لك عشق في قلبي وكلي هيام
حبك ترى ضعفي وذا بس عيبي
حروف الغلا والشوق في قلبي زحام
وتستاهله قلبي وحبي وطيبي
كل المشاعر ما تكفيها الأقلام
انت العمر وانت القمر والمغيبي
لا مّني شفتك ما تحملني عظام
وأنت الذي ترفٍ وجيدك رطيبي
ورغم الظروف ورغم قسوات الأيام
تبقى حبيبي يا حبيبي، حبيبي
مال الفراق درب علينا بنمّام
مهما حكوا فيك أنت ومهما حِكي بي
خّل الهموم لصدري وانت ارتاح ونام
وأبشرب والله بكل شي عصيبي
من هو طغى بحبك لا والله ما ينلام
انت الهوى وانت الدوا والطبيبي
شاطي الوله يهب على صدري أنسام
بحر الولع ولوعات موج عجيبي
ورغم الظروف ورغم قسوات الأيام
تبقى حبيبي يا حبيبي، حبيبي
