هذي حياتك - علي بن محمد
هذي، هذي حياتك على كيفك وعش فيها
مادامها ماشية يا صاحبي مشي
خلك على قول بن جدلان مشيها
إن طعتني مشها مادامها تمشي
وأشواقنا لو ترى ضاق الحشا فيها
وأرزاقنا عند والي الكون والعرش
رزقك على سايق الغيمة ومنشيها
يرزقك من يرزق العصفور في العش
من، من حط عينه في عينك شاف وش فيها
غمض عيونك وخل الحب بالخشي
كلمة من القلب ما نرضا الغشش فيها
ما قلتها لك على الماشي وأنا بمشي، بمشي
عش في حياتك حبيبي وانتعش فيها
ياما، ياما، ياما سحاب من العارض يبي ينشي
من صبح شموسها لازم يعشيها
واللي يضحي يجي له يوم ويعشي، يعشي
ما إنت بمكلف تعرف الناس وش فيها
لا ذاك وشو ولا هذي بعد وشي؟
نعرف حذر كل ريم من مماشيها
من كثر ما هي تتلفت وهي تمشي، تمشي
يا كثر من راح في لجة غواشيها
ويا كثر من طاح متعلق على رمشي
قليبنا وانقطع حبل الرشا فيها
وأشياء ما قلت لك يا صاحبي وشي، وشي؟
أقرنس طيور حبي لك وأعشيها
وتقول هذي الطيور اللي معك وشي؟
جبت الحمامة حمامة ريشها فيها
وجبت المعاني على معناك بالمحشي معاني
العذر يجبر خواطرنا ويشفيها
لو فيه أعذار عندك قل لنا وشي
من كثر ما أني بمشيها وأمشيها
مشيتها لين وقفت لا ما قوت تمشي، تمشي
هذي حياتك على كيفك وعش فيها
ما دامها ماشية يا صاحبي مشي
خلك على قول بن جدلان مشيها
إن طعتني مشها مادامها تمشي
وأشواقنا لو ترى ضاق الحشا فيها
وأرزاقنا عند والي الكون والعرش
رزقك على سايق الغيمة ومنشيها
يرزقك من يرزق العصفور في العش
إن طعتني مشي
