كل فشار
لو فاكر الدنيا بعدك وحشة وآخر جرج وعذاب
ولا أنا اتجننت مثلا وبتعالج من الإكتئاب
تبقى موهوم لو تفكر افتح لقلبك ثاني باب
لو فاكر هزعل وأعيط وأفضل أدبدب ليل نهار
وأكتب إني بموت في بعدك عندي ميول للإنتحار
إنسى بقى ريح وركز وياك شوية وكل فشار
ده في المشمش أرجع أستناك وأقول حبيبي خلاص وخير
والنبي تربس ألف باب جه وراك وارمي لي المفتاح في بير
الساذجة اللي سنين كانت عايزاك بقت واعية اسم الله عليك
فخد بعضك وامشي شوف أراضيك وابقى سلم ع اللي فات
إن أنا أزعل نص ساعة عليك ده اللي إسمه تهيؤات
ده أنا هوزع ورد واضرب نار وهفضل أرقص بالساعات
لو فاكر هفضل أتابع سيادتك عامل بعدي إيه
ولا أشد في شعري مثلا عشان نفسي أعرف ماشي ليه
يبقى وهمك ساق وظلمك وإنت حبيبي مسؤول عليه
البانيك أتاك ده للي شافت أيام حلوة في هواك
أما أنا بحلو أكثر كل ما أقرب يوم أنساك
إنت أيامك يا إبني كانت أصلا أيام بلاك
ده في المشمش أرجع أستناك وأقول حبيبي خلاص وخير
والنبي تربس ألف باب جه وراك وارمي لي المفتاح في بير
الساذجة اللي سنين كانت عايزاك بقت واعية اسم الله عليك
فخد بعضك وامشي شوف أراضيك وابقى سلم ع اللي فات ع اللي فات
إن أنا أزعل نص ساعة عليك ده اللي إسمه تهيؤات
ده أنا هوزع ورد واضرب نار وهفضل أرقص بالساعات
