ليالينا
قصاد الناس بقول ماشية الحياة عادي
برغم إن الحياة في وادي وأنا في وادي
حياة في البعد تعباني وعارفك زيي بتعاني
ومش قابل حكايتنا تكون ماضي
قصاد الناس بقول ماشية الحياة عادي
برغم إن الحياة في وادي وأنا في وادي
في بعدك روحي مكسورة بشوف الدنيا مهجورة
وزيك في البعاد تايه ولا راضي
آه ليالينا بتسأل عنا فين روحنا وليه بعدنا
عشقنا والنصيب صمم يعاندنا
واديه حتى حارمنا من سلام إيدنا
وليه الدنيا بتمشي عكس ما اختارت قلوبنا تعيش
ولو ناوية تفرقنا مابتنسيش
وهشكي لمين وأنا بعدك حبيبي ماليش
قصاد بعض المشاعر فين نداريها
وعنا بتحكي وتشاور لبعضيها
بقينا بنسرق النظرة قلوبنا عايشة متحاصرة
وبتصبر بكم ذكرى بعيش بيها
ليالينا بتسأل عنا فين روحنا وليه بعدنا
عشقنا والنصيب صمم يعاندنا
واديه حتى حارمنا من سلام إيدنا
وليه الدنيا بتمشي عكس ما اختارت قلوبنا تعيش
ولو ناوية تفرقنا مابتنسيش
وهشكي لمين وأنا بعدك حبيبي ماليش
ليالينا
