ونْعِدّ عُمرين
وسعادة وحب، حب وسعادة
كل شي حلو طفح بزيادة
مبسوطين عشقانين بالحبّ هايمين
بيجي ع بالي مرات إنّه الشّيب صار مغطّينا
وكل شي باهت والحُبّ ثابت مثل المينا
وهدوء معبّى بذكريات
ماضي مرمّى بشنطات
وبواقي العُمر بتستنى وبتتمنى
ورواق وشمس، شمس ورواق
ننسى نفطن نرجع نشتاق
للأيام، للأحلام وعُمر ما دام
بيجي ع بالي مرات إنّه إحنا عرفنا نرجع
نبني سما ونْعلّمها تضوي وتلمع
وترمي لنا بَسّ حبال نور
تضوي ع كلّ سطوح الدور
هنّي راحوا، كُلّن راحوا ومعاهُن رحتي
وكئابة وحُبّ حُبّ وكئابة
وكل شي مُرّ خبّط عَ بابي
بحري ناح حُزني فاح
والعُمر راح
بيجي ع بالي مرات إنّه إحنا بالبيت اثنين
كل شي مرتّب حُبّ معلّب زي عصفورين
وسكون فايض ع السجاد راحة بال بالبرّاد
ريحة طبِخ عَ الحيطان ونْعِدّ عُمرين
إعلان
