شنو الحالة

Grab your popcorn and take a seat

Melon City's back to revive the street

No hesitation, no cold feet

No worries, no giving up, no retreat

ويو ويو جاري نقل الحالة

إفتح الطريق سوي درب للنقالة

صافرة الإسعاف جايه تنقل لك الحالة

السايد الأيسر يفرغ لمن يصفى مي الإساله

شنو الحالة؟

الساعة بالوحدة وعشرة

شمس تموز ضاربة راسه كله ودفرة

فاقد الوعي ممطوح نايم بالجزرة

شعره واقع جلده كرسبي عيونه صفرة

سلق حمس شوي إيڤري دي

لا يلحق سبلت ولا يروي مي

مو زين الزلمة يتنفس وبعده حي

صيف جهنمي حتى الشجرة تدور في

شنو الحالة؟

مطلق مرته وخسران الحضانة

حزينة ألحانه ماكو بجيبه ولا عانه

وضعيته خربانة مقلوبة ع البطانه

چگه أبره في اليوم بشريانه ونزله هنانه

شنو الحالة؟

فاشنيستا عندها نوبة هلع

حساب الإنستحرام إنسد ولحد هسة ما رجع

مليونين متابع رشق بس اهم شي الرقم

كل عيشتي ع الستوري مصدر رزقي إنقطع

شد لها مغذي وإسعفها بأوكسجين

كمادات عشرين ألف لايك ع الجبين

بورقه وقلم إكتب لها منورة الكوين

بعد ماكو سوشي حبي چقي علبة السردين

شنو الحالة؟

مرتفعة نسبة البطالة

ماجستير علوم بايو يشتغل عماله

عنده نقص فيتامين جنط مدرسة لأطفاله

عنده إيجار مزمن خط مولد هاي چماله

نداء إلى عجلة الإسعاف رقم ستة وخمسين حول

أسمعك عالي و واضح، حول

إنهيار عصبي من مراجع بالنفوس

ساعتين ونص واقف بالسرة مكبوس

طلع ناسي صحته وناسي صحة الصدور

لازم يركب للكاظمية النوبة يرجع للمنصور

شالقضية شلون شغله هايه

خمسين سيليزية الشارع صاير شواية

إدزحام محمد القاسم طاخ ببسمايه

قافل يمنه قافل يسره قافل من كل الزوايا

ويو ويو سوي درب للإسعاف

ويو ويو مواطن صار بي جفاف

صحي ومادي ومهني وعاطفي

إفتح الطريق قبل لا يختار الإنحراف

Melon's City's back to revive the street