تعبان (يا دموع امسكي نفسك) - أمين خطاب
ضربة ورا ضربة أنا مش لاحق آخذ أنفاسي
غصبن عني الحزن مدمر جوايا إحساسي
تعبان من وجع الدنيا ودمعي مغرق عيني
زعلان واخذاني في موجها ومش عايزة ترسيني
تايه مش لاقي السكة تعبت من الأيام
ضايع مش عارف إمتى أنا هرسي لبر أمان
موجوع وعيوني بتنزف دم وعيشتي خنيقة
ممنوع الفرح يا خلق يزورني ويجي دقيقة
ازاي مع إن في سكة ما بيني وبين ربنا
لكن أنا راضي مهما كانت حجم المشكلة
يا دموع إمسكي نفسك أرجوكي ما تفضحنيش
خليني واقف على حيلي والنبي ما تكسرنيش
عارف إنها ضربة ومش سهلة بجد عليّ
بكرة ربنا يزرع دمعه الأفراح فيك
غلطان اللي يصدق دنيتنا ويمشي وراها
دي شيطان أخذت بأدينا وسابتنا في قلب متاهة
أيام بتعدي علينا والعمر فيها بيتغير
أحلام ضاعت مننا والعيشة بقيت بتحير
ضربة ورا ضربة أنا مش لاحق آخذ أنفاسي
غصبن عني الحزن مدمر جوايا إحساسي
مقهور وببان على طول قدامكم إن أنا كويس
مكسور وبقيت مقفول من الدنيا ومش متحمل
صاحبي طمني وخليك جنبي وما تسبنيش
طبطب على كتفي يا صاحبي وقول لي ما يشغلنيش
قول لي بكرة هتحلي وتحلو وتبقى جميلة
علشان هي مضلمة الرؤية في عينيّ نيلة
يا مّه ادعي لي عشان إبنك موجوع مش قادر
واخذ كم ضربة سيف وفي قلبه راكب له خناجر
عايم على بحر هموم والموجة يا أمي شديدة
ماشي في طريقي معدول ولكن سكتي عنيدة
يا با من بعدك غابت الأفراح جوة البيت
يا با من نومي بقوم مخضوض وبنادي عليك
حاسس إن أنا بحلم واللي أنا شوفته مش حقيقة
ساكت مش قادر أفهم والروح في الحزن غريقة
حبيت إخلاصي إكمني أنا عشت في عالم فاسد
ما رديتش أمشيها شمال وأخربها يا صاحبي مكاسب
شقيان قاصد الرحمن وسايبها أنا على المولى
كسبان علشان كل أما تضيق ما بجيش في محاولة
سلامات للي في شدتي ربطوا عينهم و ودانهم
حكايات شوفتها منهم مع أني وسيت أحزانهم
تقدير مالكوش تقدير ويايا بربع جنيه
خلصت عيشكم وملحكم ع الدوغري أنا دوست عليه
