بتستخبى - حمزة نمرة
ولاد الناس الشبعانين معروفين
والمدعين المحدثين مفقوسين
مهما حاولوا ياخذوا لقطة مهروشين
مهما حاولوا يداروا برضه مكشوفين
يا ابني إنت أيوة إنت شايف نفسك كده ليه
مين إنت ومن إمتى؟ معوج بأمارة إيه
صحبي الغنى غنى النفوس بتستخبى في الفلوس
ده شكله نقص ولا إيه ملكش وصف في القاموس
داخل بزفة ومهرجان عامل مهم في المكان
واثنين ثلاثة كذابين بيندهوك مستر فلان
جواك عقد وبتداريها بس احنا فاهمين اللي فيها
أصل إنت يا ابني في الحقيقة بالونة والفراغ ماليها
أستاذ في لفت الإنتباه وهو مين فارق معاه
ومين هيتصاحب عليك غير اللي قرشك اشتراه
طول عمري أحب السلكانين ناس دوغري مش ممثلين
ببعث لهم أجدع سلام لو لسه يعني موجودين
مغرور غرور ويا ريتنا جايين ع المزاج
ده شوية وهتدخل علينا لابس لي تاج
كلك عبر وشايفنا مش قد المقام
إرحمنا من عقدك بقى وشوف لك علاج
يا واد إنت أيوة إنت نافش ريشك كده ليه
مين إنت ومن إمتى؟ منفوخ بأمارة إيه
بتستخبى في الفلوس داخل لي دخلة الطاووس
ماشي وعينيك مش شايفة غيرك ناقص على البشر تدوس
أنا، أنا، أنا وأنا، وأنا ما خلاص بقى زهقتنا
هتموت وتبقى العين عليك وإنت ولا تهمنا
طب افترضنا إن إنت جامد وإنك خلاص أهم واحد
خفيت كده من النقص يعني؟ ولا مفيش أمل يا بارد
كان نفسي أقول لك اقتنعنا كان نفسي أقول لك اشترينا
بس إنت من عمل إيدينا يبقى بصراحة اللوم علينا
طول عمري أحب السلكانين دول فوق دماغنا متشالين
ماليش أنا في المدعين ما تفوق لنفسك إنت مين
