يا سهرانين - حمزة نمرة
وآدينا سهرنا يا قلبي ما سيبناش فرصة لعينا تنام
ولا باقي على بالي غير ذكرى وكوم أوهام
بتاخذنا لنفس النقطة لأكثر حتة في روحنا ضلام
وما بقاش فينا حيل نتعذب زي زمان
مساكين يا سهرانين الليل
تايهين وتعبنا من التفكير
ساكتين وقلوبنا ذايبة كلام
حكايات بنعيدها بالتفصيل
ليه نطفي النور ونقيد كام جرح عنيد نفسنا ننساه؟
ليه خايف وراعبنا من بكرة اللي ما عشناه؟
ياما سيبنا روحنا وخوفنا حبسنا وعشنا الوهم معاه
ياما من تفكيرنا تعبنا ونزلت دمعتنا معاه
مساكين يا سهرانين الليل
تايهين وتعبنا من التفكير
ساكتين وقلوبنا ذايبة كلام
حكايات بنعيدها بالتفصيل
لو بس نعدي الليلة ونعرف نطلع منها سلام
لو قفلنا على السيرة لو أنام وأنا مش زعلان
طب مين يلحقنا يا قلبي في نص الليل ونفضفض ليه؟
يا جراحي مين صاحي أحكي له أنا حاسس إيه؟
مساكين يا سهرانين الليل
تايهين وتعبنا من التفكير
ساكتين وقلوبنا ذايبة كلام
حكايات بنعيدها بالتفصيل
