داري يا قلبي
مالك مش باين ليه
قلبك تايه من مدة كبيرة
خايف تتكلم ليه
في عيونك حيرة و حكاوي كتيرة
متغير ياما عن زمان
قافل علي قلبك البيبان
حبيت و فارقت كام مكان
عايش جواك
إحساسك كل يوم يقل
و تخطي و خطوتك تذل
من كتر ما أحبطوك تمل
فين تلقى دواك
بتودع حلم كل يوم
تستفرد بيك الهموم
و كله كوم والغربة كوم
و الجرح كبير
مبتديش حاجة اهتمام
اهلًا اهلًا سلام سلام
بقى طبعك قلة الكلام
و مفيش تفسير
داري داري
يا قلبي مهما تداري
قصاد الناس حزننا مكشوف
و أهو عادي
عادي
محدش في الدنيا دي يتعلق بشىء
إلا و فراقه يشوف
كل اللي معاك في الصورة غاب
وطنك و الأهل و الصحاب
كام واحد ودع و ساب
من غير أسباب
شايف في عينيك نظرة حنين
بتحن لمين ولا مين
طول عمرها ماشية السنين
و الناس ركاب
مع دقة عقرب الساعات
بتموت جوانا ذكريات
عشمنا قلوبنا باللي فات
و نسينا نعيش
كان مكتوب نمشي الطريق
و نفارق كل مادا شيء
اتسرق العمر بالبطيء
و رسي علي مفيش
داري داري
يا قلبي مهما تداري
قصاد الناس حزننا مكشوف
و أهو عادي عادي
محدش في الدنيا دي يتعلق بشىء
إلا و فراقه يشوف
داري داري
يا قلبي مهما تداري
قصاد الناس حزننا مكشوف
و أهو عادي عادي
محدش في الدنيا دي يتعلق بشىء
إلا و فراقه يشوف
داري داري
يا قلبي مهما تداري
قصاد الناس حزننا مكشوف
و أهو عادي عادي
محدش في الدنيا دي يتعلق بشىء
إلا و فراقه يشوف
