الاحتياج وحش - تامر حسني
الاحتياج وحش والذكريات أشباح معششه في نفوخنا
خايفين نحب جديد وملصمين شروخنا
لفينا ساقيتك ياحب لغاية لما دوخنا
داخلين بحاجه ساقعه خارجين بعلقه سخنه
الناس OPEN BUFFET عايز تلم منه لم
في صنف يكون زي العسل وصنف كان يسم
الرك على النقاوه
كل أما أقول فرجت خلاص هتهنى و هستجم
أخد حتت شالوت في وشي ما بقولش بم
بمنتهى الغباوة
الاحتياج وحش ارحمني يا احتياجي
مش كل مره تنده أتشك في قلبي واجي
انت بتحفر لي الحفره وبقع فيها بمزاجي
لا عملت حساب طلوعي ولا حتى حساب علاجي
الاحتياج وحش ارحمني يا احتياجي
مش كل مره تنده أتشك في قلبي واجي
انت بتحفر لي الحفره وبقع فيها بمزاجي
لا عملت حساب طلوعي ولا حتى حساب علاجي
قلبك مربوط في ساقيه ومتغمي وعمال يلف
لازم النهايه تبقى جرح وما بيرضاش يخف
لازمله حدث درامي
الوحده خانقه بتجبر الواحد يروح يحب
ف يروح الحب نازل فوق دماغه دب دب
كإنه مسك حرامي
الناس OPEN BUFFET عايز تلم منه لم
في صنف يكون زي العسل وصنف كان يسم
الرك على النقاوه
كل أما أقول فرجت خلاص هتهنى و هستجم
أخد حتت شالوت في وشي ما بقولش بم
بمنتهى الغباوة
